2002年10月05日
究竟甚麼是愛?
有人話,愛係要經得起考驗,係靠雙方一點一滴,長時間咁類積出來.
又有人話,愛就係一瞬間既感覺,雙方係四目交投之際,心中已暗暗許下左一生一世既承諾...
承諾?乜愛就等於承諾咩?
當然唔係,承諾只會係對方同你熱戀時先會有效,
到左感覺全無時,承諾就只會變成謊言.
但係愛就唔同,愛係可以超越一切既界限,就算雙方以經分開左,愛會依然不滅...
兩個人係埋一齊,就係要靠一種感覺來維繫,呢份感覺要生生不息,
雙方先會開心,彼此之間先會互相 連繫住,而呢一份感覺,我地可以稱之為"愛".
"分手啦,我係仲有少少鐘意你,不過我係你身上已經搵唔到當初果種感覺喇!!"
根本就係大話!
既然愛就係雙方之間果份感覺,根本冇可能"鐘意你"而"冇感覺".
世上有一種荒唐既愛,就係雙方都鐘意大家,但又唔係埋一齊.
呢種人最有資格做編劇,因為佢地係一班悲劇既生產者,而故事內容往往動人.
談戀愛就等於飛蛾撲火,明知終有一日會被燒傷,但卻偏偏甘願用傷痛去換上瞬間既快感.
聰明既飛蛾就永遠只會係火把旁飛動,佢地的確可以比其他飛蛾撲得更耐,
生命會更長久,但,佢地永遠 都唔會知道乜野叫愛,
佢地永遠都唔知道火既刺熱,同埋被火燒傷果種甘心情願既快感,
因為佢地永遠都 唔會接近火.
既然撲火係要負出無比代價,係感覺尚未全失之前,
不如試試走到前 男/女 友面前, 講一聲"我愛你"!!
Tracy1982 只跟部份人分享這資訊。
於02年10月發佈
`點解仲甘愛你,掛住你既....... (02年10月)
公開書信