婷婷,
正如我之前所講,今次我諗得好清楚,係時候要做一個解決,呢個決定可能好殘忍,但我相信對妳對我都係最好既,好難接受,我知道,我自己都好辛苦,好怕自己將來會後悔,不過我清楚明白妳需要既我俾唔到妳,一齊返只會再重覆上一次既經歷,唔想咁,我希望腦裡面只有同妳開心幸福既回憶,咁多年來,婷婷係我既 一切,真心希望同妳有將來,嘗試去努力,做既每一件事都係為左妳,想得到妳肯定,認同,每一次成功,第一個想同妳分享,即使到而家,我諗法都冇變過,想妳o係我身邊支持我,開心傷心都一齊渡過,不過我冇打俾妳,因為我知道妳唔再屬於我,唔應該去打擾妳,不過,始終忘記唔到妳,投入唔到另一段感情,今次妳搵我,我好開心,知道妳冇忘記我,咁已經足夠,真係有考慮過同妳重新開始,我太清楚自己有幾愛妳,想擁有妳,只係妳選擇既唔係我,其實我有諗過唔問,起碼咁樣我可以不時見到妳,好蠢呵?我唔會怪妳,諗深一層,冇理由叫妳等我,連我自己都唔知要幾耐,或者咁樣我先可以下定決心,所以唔好再講對唔住,知道嗎?妳的心意我收到了,我一樣掛住妳,想打俾妳,呢段時間好難挨,但好快會過,我會開開心心生活,妳都要努力!我慶幸自己有一個深愛既人,to have but not to hold,我同意,多謝妳帶俾我既回憶,陪我過左人生一段咁長既時間!
我唔會再寫錯"譚伊婷",因為佢已經深深印o係我心裡面!
拜拜~
Alvin