我好怕俾你知道我在乎。你話我只喜歡聽你講你愛我，但聽完之後只係笑然後輕輕帶過。你話我唔重視你，只係當你其中一個追求者。你話我覺得你可有可無……
其實我只係怕你會有一日厭煩我。到我話你知我在乎，我會變得唔特別。到我同你講我愛你，你會去追求另一你得唔到野。當你變成我惟一，你唔會再怕我離開。對得唔到野，人總係比較著緊……
所以，請你原諒我

睇番呢段成三年前既野，發現本質上我睇法都係一樣，只係有時已經冇以前控制得咁好，會唔覺意俾『佢』知道我有幾緊，都唔係唔好…起碼再冇人問我到底有冇鐘意過佢〥

又三年啦...omg時間過得真係快...其實都好少上黎啦....無意中睇番自己既少女心情....好得意....對於自己呢番說話....我依然同意...不過做法唔同左....而家開口埋口都講我愛你...一dead air 就講~~....講講講...講到好隨便...將呢句說話既殺傷力減到最低...唔太重視後面既意義之餘人地聽到又開心....分手時...唔會再有 "你話你愛我嫁.??!!??" / "你到底有冇真心愛過我??!!" 之類....一句說話..唔需要睇得太重