每個人都有佢地既愛情故事　冇人知故事點樣開始點樣終止　
緣份要黎就黎　冇分係邊個時候　
話走就走　緣份已經到左盡頭　
尼樣野唔係人人睇得咁通透　經常都會有好多麻木既時候　
有人為愛可以死心塌地　付出一生　
係咪值得　就見仁見智你自己去諗　
情同愛要做出黎並唔容易　
口口聲聲話我又領略唔到當中意思　
情為何物　連詩人讀咁多書都唔知　
未曾體驗過個種滋味點會知　
係冥冥中注定　抑或係上天既安排　
尼個世界咁大都可以走埋一齊　
總覺得生同死並唔係最遠既距離　
而係係你面前　又唔知到我愛你
初初一開始　最鐘意日見夜見　
發夢都會見面　情話綿綿　電話講唔完　
發誓希望兩人熱戀直至永遠　冇諗過愛情之後變感情既局面　
只係幾年既感情　已經冇火花出現　再勉強係埋一齊　只會令人討厭　
想講分手開唔到口　咪再優柔寡斷　搵個藉口解決左佢一刀兩斷　
暗戀相戀熱戀失戀　感情好混亂　
太多誘惑而家既人好易　移情別戀　
婚外情　一夜情　佢地玩弄感情　
三分鐘熱度之後　忘記晒所有事　
其實只要對人唔係有太多既要求　
愛一個人　跟本唔需要有太多理由　
只要真心真意對待　已經好足夠　
孤勿論係曾經擁有　抑或天長地久