呢件事係我一個做電視台o既朋友講畀我知。

嘉利大廈大火o既事好轟動，係人都知死o左好多人。呢幢大廈事隔一年仍然封閉徹查，所以成幢大廈根本冇人居住。

有日下午，我朋友食完下午茶正打算收工o既時候，佢o地（突發組）突然勾到差佬線，聽到嘉利大廈發生火警。呢件事好神奇，因為整幢樓根本冇人住。點解會著火？我朋友即刻跟線，發現原來係因為十四樓漏電所致，初步估計起因係微波爐漏電！呢層樓，絕對冇可能有人o係度，因為係燒死好多人o既一層，加上所有物品都燒毀，又點會有個微波爐仲可以正常運作？我朋友聽到已經毛骨悚然。但係最恐懼係呢次係有人報警。呢個人又點知嘉利著火？事件追查o左好耐，根本查唔出呢個係咩人！

李終貴按：嘉利慘案的確係人間慘事，除o左係無妄之災外，亦係人為錯失。終貴諗起細個時，住o既大廈亦曾經發生一宗好細o既火警。

時終貴住o係三樓，樓下帳篷著火，但係已經係半夜兩點。時家家早，十點已經全街冇人。所以半夜有火警根本唔會有人知。但係終貴阿媽突然驚醒，即刻叫齊終貴同兄弟姐妹走出屋，仲叫醒其他鄰居，大家救火。

事後有人問終貴媽點解咁醒目，原來終貴媽半夜到迷糊之際，突然聽見有人叫佢。佢睜開眼，見到有個長髮女垂低頭望住佢。

佢好驚。個人同佢講：「你快起身，張係我o既。」終貴阿媽想起身但係又起唔到。跟住佢個心唸佛經，隻o野就唔見o左。佢驚到真係企返起身，就望見窗外著火。終貴只當佢發夢，唔敢肯定佢係咪真係見鬼。
覺得幾好看的人請在館花館草道投我一票