給你:

你終於都有女朋友, 其實我剛剛聽到你已經同左佢一齊既時候, 我即刻喊左出黎, 仲喊左好多次, 我終於都明白你當年既感受, 而呢件事係無人知道. 我o個一晚, 成晚都訓唔著, 成晚都諗住我同你一齊既回憶. 其實我應該戥你開心, 因為你已經搵到一個佢又鍾意你, 而你又鍾意佢既人喇. 但係我做唔到, 我係可以對住你地好開心, 但係我內心深處跟本就係好心痛其實你可以話我跟本仲未完全忘記你. 當初係我對你唔住, 係我有負於你, 但係我真係有鍾意過你, 我曾經真係好鍾意好鍾意你. 我知道你係好嬲我, 因為你好傷, 我亦都好內疚. 其實我仲係好在乎你, 但係呢樣野跟本唔可以有第二個知道, 我唔想再錯多一次.

今個情人節係你同佢第一個情人節, 你地兩個都好開心, 你用試探既口吻, 得知你真係越黎越鍾意佢, 仲係好鍾意o個隻. 其實我同你已經無可能o係番埋一齊, 因為種種既原因, 既然你都搵到一個好既女朋友, 咁身為朋友既我, 好應該戥你開心既.

其實仲掛住你呢件事, 一直都o係我心入面, 但係我又唔可以話俾其他人聽, 其實都幾痛苦. 而家就o係呢度, 寫一封信俾你, 雖然你唔會睇到我呢封信, 就算睇到你都唔會知道我係寫俾你, 因為你一定唔會知道我係邊個, 你亦都唔會估到我仲掛住你. 咁樣我就可以抒發我心裡面既感受, 而你又唔知道.

然後我有我生活　然後你再愛別人

得不到那個　一般最掛念
或許這麼說　大家好過點
只恐怕你與我　終於也發現
恨那日那天　不肯心軟

祝你
永遠幸福快樂!

風鈴