[時間] 哩樣野，其實好多人都唔識真正咁去運用．．

所以浪費左好多 [時間] 可以帶比我地既好處．．

什至有D人連時間可以帶比我地D咩既好處都唔知．．

但係當你真正了解 [時間] 既用法既時候．．

你就會明白好處係好多．．

如果你了解之後會實行既話．．

就代表你已經識得為自己搵 [快樂既路]．．

路 其實係由每一個人用自己既雙手建立出黎比自己行架．．

冇人會得閒去幫你建造你行既路．．

雙腳係你自己既，雙手都係你自己既．．

你行唔行，最終既決定權都係你自己到．．

身邊既人能夠幫你既，就只係可以幫你清走路途上既沙石．．

又或姐挖個陷阱比你．．

千其唔好比人帶領你建立一條唔係自己想建立既路．．

一定要有自己既方向，一定要有自己既想法．．

而家就話你地知 [時間] 係點用，希望會啟發島你地一D新既想法．．

[時間] ．．有分三種．．

[過去] [現在] [將來]

[過去] = 其實過去既野係一D用黎學習，最好最好既材料．．

　　　　經歷過既野其實係學極都學唔完架．．

　　　　只要你係有心去學既．你就會發覺從你發生過既事當中．．

　　　　你越係用心去分析就越係多野領會島．．

　　　　而唔應該將過去既野用黎 執著 ．．

　　　　而家好多人都只係識得去 執著 ．．

　　　　所以令自己唔開心．．什至有D低能既走去自殺．．

　　　　唔覺得好無謂咩．．？

　　　　人係 本體 ．．而 本體 永遠都係存在係 [現在] 哩個時空架．．

　　　　根本唔會同 [過去] 既野共存．．

　　　　做咩要刻意帶領自己既思想去一D令自己唔開心既地方呢！？

　　　　既然果個係唔開心既地方做咩仲要去？

　　　　去到又唔開心，唔開心就搵你ｄ朋友傾．．

　　　　你話係咪低能！？

　　　　你當你D朋友係咩呀？朋友就係咁用？

　　　　朋友雖然係有義務幫你解決你既煩惱．．

　　　　但係你既煩惱都會令你既朋友煩惱．．

　　　　沒人想有煩惱架．．點解唔嘗試一下．．

　　　　為自己或姐你既朋友．你身邊既人 改變一下呢？

　　　　唔好再嘗試去執著所有 [過去] 既野！！

[現在]　如果要執著既話，我希望你執著既係 [現在] ．．

　　　　因為只有你存在緊既時空先係最重要．．

　　　　同時間 [現在] 哩個時空，其實係不停咁有機會出現緊．．

　　　　問題就係大家一直都冇留意同去把握哩D機會．．

　　　　其實一秒鐘既時間已經同時可以出現幾十個機會架喇．．

　　　　例如你係街上面．．

　　　　你有冇見過有人望你？

　　　　其實你已經可以同佢做朋友架喇．．

　　　　哩D都係一D機會黎架．．

　　　　你覺得同一時間可以有幾多人望你ya?

　　　　機會就係咁不停出現．．

　　　　而家唔係叫你真係要你去見島人望你就即刻埋去識佢．．

　　　　我只係講緊機會其實係不斷咁出現．．

　　　　當你真正了解到 [現在] 哩個時空既時候．．

　　　　你就會發覺其實 [現在] 係冇多餘既時間比你停留係 [過去] ．．

　　　　全世界都冇人能夠做得島把握晒所有出現既機會．．

　　　　[現在] 既時間可以話根本唔夠用．．

　　　　一秒容咩易過去．．一秒又有幾多既機會可以出現．．

　　　　真係夠用咩！？

　　　　唔好再繼續浪費你既 [現在] 喇！！

　　　　要執著你既 [現在] 先o岩！！！

[將來]　最後一個時空就係將來．．

　　　　好多人好八掛．．

　　　　成日都想預知自己既未來．．

　　　　其實我真係好想問．．

　　　　有咩好知姐！？

　　　　未來既野根本就係由 [現在] 哩個時空既行為動作而演變出黎．．

　　　　就好似．．

　　　　而家我睇島有舊屎係我面前．．

　　　　我踩唔踩落去根本係由我自己決定．．

　　　　我而家唔決定踩落去既話．．

　　　　下一秒既我又點會有踩屎既情況出現呢？

　　　　相反我決定左大大腳 DUM 落舊屎到既．．

　　　　下一秒出現既咪就係成腳屎既我囉．．

　　　　如果彈到去人地個身度既．．

　　　　可能仲會比人打添．．

　　　　咪衰呢！

　　　　好玩唔玩玩屎．．

　　　　我講既哩個其實係一個好好既比喻黎架．．

　　　　唔好當係講笑．．

　　　　而家究竟明白未？

　　　　可能有人會覺得預知當然唔係要預知Ｄ咁近既野啦！！

　　　　如果你係咁諗既話．．

　　　　證明你仲未明白頭先所講既例子．．

　　　　而家就再詳細講解多一次比你地知．．

　　　　既然．．

　　　　每一個將來．．

　　　　都係由前一秒或姐前幾日既行為動作而演變出黎既話．．

　　　　就已經代表你係每一日都不停咁預知緊未來啦．．

　　　　做咩仲要刻意去預知更多呢？

　　　　未來真係唔到你去控制咩？

　　　　若然你聽完仍然覺得好肯定未來係自己控制唔島既話．．

　　　　我亦好肯定你係一個冇 [思想] 既人．．

　　　　即係一件 [垃圾] ．．

　　　　[將來] 根本就係一個更強既自己出現既時間．．

　　　　根本就係一個好消息．．

　　　　做咩仲要去推算？

　　　　若然你真係想你自己既 [將來] 係好既話．．

　　　　唔該～～你做好你既 [現在] ．．

　　　　就係咁簡單．．！

　　　　FIN