一篇妳永遠也看不到既心聲, 因為你同我講過, 以後唔會再上貓壇, 所以都冇機會睇到我心入面既感受

原來將自己既喜歡既人, 親手送出去給人, 係一件痛苦既事
不過我做到了, 你會得到幸福的

剛剛同你們傾完電話, 知你地發展順利, 已經能夠忘記同前男友分手所帶黎既傷痛
我替你高興, 即使由始至終, 你都未喜歡過我, 甚至有段時間當我係水泡, 對我無情既傷害
我都唔再介意, 只想你開心, 只想你得到幸福

回想你之前不信任我, 以為我係小人般講你前男友是非, 而家你終於明白我冇講大話
因為我由始至終都係只想你得到幸福, 我並沒有考慮到自己得到甚麼,
因為愛一個人係唔需要佔有佢既

呢幾個月, 我我多左一樣野, 就係開始時已經不要奢求得到甚麼, 往後就不會怕失去甚麼
我唔會再怪你之前咁對我, 相反, 如果你真係喜歡他, 就要努力忘記前男友, 勇敢地接受他,
他是我既朋友, 我相信他會好好愛惜你既, 我會祝福你地既

雖然現在我心入面在淌血, 心好似撕裂咁痛, 不過我明白愛情不可勉強既道理
我只會覺得, 你比我幸福, 能夠搵到大家喜歡大家既人, 就要好好把握

我會響你身邊默默咁去愛你同支持你
雖然你唔會知, 亦唔需要知, 可能更甚係你根本唔想知

不過也請容許我將對你呢份感覺留響心底, 甚麼都不要緊, 愛他就把他捉緊, 祝君好^^