ＬＥＯ作者的話：其實我已經冇咩心機再寫，因為已經冇咩靈感，一個新手寫咁長篇既小說真係有d吃力，好想放棄，
但有睇開既讀者請放心，我幾辛苦都會作埋落去，因為我唔想作到一半就算，感覺好唔負責任，但由於我時間同工作
都比較忙，所以，發表可能比較慢，真係好對唔住。

※※※※※※※※※※※※※※※※※※※※※※※※※※※※※※※
『相識的二十天』

【第七天】(上篇)

電話突然響起，係阿儀打黎既鈴聲，我即刻拎起黎聽~


我：喂~~？阿儀

儀：早晨~~

我：點呀，妳有冇事

儀：我冇咩喇，心情好d^^

我：希望啦…

儀：今日你冇人約咩？

我：冇呀~

儀：今日得唔得閒出黎玩呀？

我：下…今日？


如果我出既話，就係第一次見net fd，點算好呢…我好驚，我驚出到去，佢見到我咁樣衰就唔再搵我，
但佢而家咁，我應該唔可以拒絕佢，我應該陪佢，令佢對世界唔好咁灰同唔開心。


儀：係呀…好唔好呀？

我：好啦…咁幾點邊度等？

儀：12點，沙田市中心等啦…

我：好丫！

儀：咁一陣見啦~~^^ 拜拜

我：拜拜


而家已經10點，我開始沖涼，雖然我樣唔得，但盡力喇！哈哈哈！不過真係估唔到佢會主動約我囉。

為左唔想遲到，我11點30就已經到左，我真係好緊張，隻眼不停向上向下望，覺得好似好多人望緊我咁，
之後我打俾阿儀。


我：阿儀~~我到左啦

儀：咁早既？我而家仲塔緊車呀

我：咁我驚遲到嘛，唔緊要啦，我等下靚女有咩所謂，哈哈

儀：唔好咁大期望啦>< 咁你係優之良品門口等我啦

我：好啦


到左12點到，我終於見到阿儀啦，係真真正正咁見到，我真係驚到唔識講野


儀：做咩呀？好失望呀？

我：唔係呀…我只係怕羞之嘛

儀：嘻~唔好咁啦，今日你係陪我玩架嘛，你咁樣我唔開心架

我：咁又係~~好啦！我冇野既，放馬過黎啦！

儀：哈哈！你好傻呀^^


我第一次見到阿儀既笑容，好得意…

我地係市中心行街，不停睇野又講下野，不過我冇問關於個次既事，因為我唔想阿儀唔開心，我唔想見到佢喊個樣，
行到咁上下，阿儀話好累，不如坐下啦，我地就去左公園坐陣。


儀：我想問你一個問題呀

我：好呀！妳問啦~

儀：其實呢…你對我有冇好感？

我：下…


呢條問題好突然，嚇到我呆左，叫我點答好…電話我都唔會敢答妳喇，而家仲要我現場咁答


儀：點姐，有冇呀？

我：我…我……

儀：即係冇啦…算啦

我：對唔住呀……

儀：我都知架喇…不過其實我有囉

我：妳有！？

儀：係呀…同埋我有樣野好想做

我：係咩呀？

儀：你望住我丫~


我望住阿儀，阿儀個頭慢慢向我移動過黎，佢既行為係想話我知，佢而家準備主動錫我，咁我即係避定唔避好呀？！
我好驚…！！！！

突然！！！！！！！！！！！！！！


《下集繼續第七天 》