『相識的二十天』

【第五天】(下篇)

到底點解會咁…佢自己親口講俾人強姦左，呢件事真係好難以置信…
我係論壇都未聽過有女仔發生過呢d事，只有係新聞先聽過…
但估唔到呢d事，會發生係一個我識既人，我真係唔知點幫佢好…
我可以點做？我可以感受到佢而家既痛苦…


我：幾時既事呀？！

儀：我放左學，同fd去完街，諗住返屋企，點知有個話自己係外地既男人，話自己唔識路，叫我帶佢路，
本身我自己都唔係好熟，但佢話自己認得小小路，因為佢以前黎過香港，我咪諗住佢去到個度，可能我會熟囉
點知佢帶左我去一度好靜既地方，就…………嗚嗚嗚嗚嗚嗚！！！！！

我：咁妳認唔認得佢個樣呀？

儀：我唔係好記得喇，我當時係咁喊，我都冇乜點記得佢個樣……嗚嗚嗚！

我：如果妳記得小小，不如去報警喇

儀：我唔知呀，報警可能會搞大件事，上埋報紙，到時我邊度都唔洗去喇！嗚嗚嗚…我好想死呀！

我：聽我講呀！！！！妳唔報警，就會由得個賤人繼續落去，佢會繼續重複又重複，到時就會有更多受害者咋！！
妳想幫到其它人既話妳就要咁做！唔係妳一定會後悔架！呢d咁既賤人一定要捉架！！！妳知唔知佢而家好開心架？因為妳冇報警
佢做左犯法既野，但仲冇俾人拉，所以點都好，妳一定要報警，死係解決唔到問題，點解妳要死？錯既唔係妳，而係佢，
死既應該係佢，唔係妳，冇人會覺得妳冇面架，如果妳唔報警，d人仲會覺得妳好有問題而唔會再理妳。

儀：真係……？咁如果真係d人知道左我俾人強姦過，你會唔會唔理我？

我：唔會！


我覺得佢已經好似平靜左，冇頭先咁激動，咁我都安心d，我只係講出我心裡想講既野，但我好似鬧緊妳咁，我唔知妳覺唔覺得，
因為我都好激動…冇理由妳唔報警而係死囉，點講都講唔通，但唔知點解…發生呢件事，令我有d心痛…我講唔出個種咩感覺…
我未試過有呢種咁強烈既感覺……


儀：多謝你呀……咁我返屋企，同媽咪講左件事就會去報警拉左個衰人…

我：好！！我等妳好消息，妳記住…記得佢個樣幾多得幾多呀…唔係好難拉架

儀：我知道架喇……


就係咁我就收左線，等佢消息，我都好緊張，唔知成唔成功，但我希望會成功，，，我好想打個條友，打到佢永遠""做""唔到！！！
之後我打左電話俾A同學，因為我心情唔係咁好，A同學唔知係咪識得我耐，唔洗一陣就知道我心情唔好，太了解我喇，
我講左件事佢知，因為我信佢，所以我就同佢講，你地唔好誤會，我唔係講阿儀被強姦，而係係我種奇怪既感覺到底係咩，
佢話可能係愛上佢，但我同佢唔係識左好耐，見都未見過都會有？但佢話時間跟本就唔係一個問題，鍾意一個人可以好易，
但要忘記一個人就好難…我唔知佢講得岩唔岩，因為我未拍過拖，仲有就係…我係網上識佢，有可能咩？
佢竟然話…


A：網上個d唔係人咩？都係人一個，點解冇可能

我：下…就算有可能，唔會好快結束咩？

A：邊個能保證？！你可以敢話係出面識個d可以長久咩？咁點解網上識就話好快結束

我：但我連佢個樣都未見過，又未出過黎，又未夠了解佢……

A：未見過？！

我：係呀……

A：其實…未見過都唔會有咩問題既，如果一個人係為左個樣而一齊，咁都唔會認真得去邊喇，
而了解，係隨住時間而增加，了解，唔關一唔一關事…一齊左都可以了解，仲可能會加深對佢了解

我：咁好喇…唔該……


唔知點解，今日A同學同我講d野咁認真，完全唔似平時既佢囉，一個咁既溝女王，都可以同我講d咁認真既說話
到底我係咪真係愛上左佢？我諗自己冇咁快掛…A同學都係話可能姐…可能我當佢係朋友先咁緊張佢姐…
同A同學傾完我既心事，都已經好夜喇，唔知阿儀而家點呢…真係好擔心佢…唔知佢報完警未呢？
我打過電話俾佢…但佢冇開電話…『你所打既電話，暫時未能接通……』
成晚都冇心機，飯都冇食過，我真係好想係論壇問下人點樣做…但我又唔想人地知道晒，我覺得咁樣對阿儀好對唔住…
但我好想知我點先可以幫到阿儀………諗下諗下我都不知不覺訓著左………


＊＊＊＊＊阿儀呀……我好擔心妳呀…………

《下集繼續第六天》


如果睇完唔留言我唔作架喇><
作者係須要讀者既支持的…