======================================
『相識的二十天』

【第五天】(上篇)

唔知係咪打完針既關系，所以我既生命回復速度急速上升100個%，我可以返學喇~~
我覺得每次病完，我既體力都係精神晒，不過過幾日後又會覺得唔夠訓好累…


我：登登登登~~~~~(360度跳起落地！型呀~)

我：阿媽~~有冇煮我早餐呀？

媽：我以為妳未病好，所以冇煮呀

我：冇早晨食我會死架喎…(係餓死…病已經冇乜點食野)

媽：我俾錢你買野食囉~


取得25蚊早餐錢後我就去左食早餐喇~


我：我要個公仔嘔麵丫~

伙記：好！一個公仔牛麵~


係我食緊早餐既同時，阿儀打俾我，呢個時間佢都要返學架，打俾我做咩呢？


我：喂~早晨呀儀姐

儀：點呀，你死得未呀？

我：我……本來未死既，俾妳咒一咒可能差唔多啦(一打黎第一句就咁講野，呢d就係的香港人既禮貌)

儀：聽你咁講即係好返啦~咁你做緊咩呀？

我：食緊嘔麵囉~

儀：係牛麵，唔係嘔麵呀，你有冇讀書架？

我：係既係既，我錯我錯…(好明顯我係專登讀錯啦- -")

儀：係呀，我轉左做3G電話呀，你同唔同我玩呀？

我：我冇喎…(有都唔玩喇，視象咁鬼貴，d格仔仲多過3仔= =")

儀：咁算啦~我返到學校喇，食飯個陣再打俾妳啦

我：好啦，88


我食完個早餐都發現原來差唔多遲到，我即刻塔的士返學，不過都係要跑一陣，因為我唔停係學校門口，
點解？因為我覺得停係學校門口好扮晒野咁= ="。


上堂其間我同A同學傾計…

我：你覺得網絡拍拖有冇可能架？

A：冇話冇可能既，總有成功既例子囉，不過我就唔會玩呢d野

A：做咩呀？你識到條女呀？

我：係呀……

A：哇！！！你好似未拍過拖架喎！第一次就咁樣？不如我介紹你識啦

我：唔洗喇= = 你識個d都咁鬼靚，我會嚇親人XDXD

A：咁又係~~~~你咁樣衰

我：…………… (我好想殺左佢，一把刀插入黎= ="")

唔知點解…今日我成日都好似感到有d不安咁……好似會有事發生，到底係咩呢？
食返個陣阿儀好準時打俾我~

儀：點呀~我係咪好準時呢~

我：係呀！準到1秒都冇過喎 (大話之中既大話~"~)

儀：你都好識講大話姐，咁假既大話你都講得出~~~

我：哈哈哈哈！就係咁先假妳唔到嘛

儀：你想呃我咩？

我：緊係冇喇，我都唔呃人既 (嘿嘿！你地信唔信丫？)

儀：好難講喎

我：對我有d信心啦~~!!

儀：點解我要對你有信心呀- -"

我：因為………因為我係妳好朋友囉~~~

儀：哈哈哈哈！咁好啦，我信住你先啦，嘻嘻

儀：我唔傾住喇，個fd同我食緊飯，我傾電話，好似冷落左佢咁

我：係既，咁好喇，妳遲d打俾我啦~

儀：好啦~再見。

今日的食飯個陣冇乜胃口，唔知係咪因為今日得自己一個食飯呢？
搞到成個人都好似好悶咁，A同學又同d女食飯，掉低我一個，
本來佢都有叫我去既，不過又唔識d女，廢事喇，去到我都係冇乜野講，
唉……好慘呀，點解我要咁唔受歡迎呢？？？

今日有雷暴警告，但我都係鍾意俾雨淋既感覺，不過唔知點解連d女學生都鍾意
搞到我今日多左野睇，腦海出現好多18禁既野，我都係男仔黎嘛，咸濕好正常姐，哈哈哈哈！
不過我只會幻想，係唔會做架- - (你係冇女朋友姐，嘿嘿嘿嘿= =v)

睇左咁多野，終於返到學校喇，食飽飯個人係眼訓d既，我諗好多人都係咁，
一訓就訓到落堂…………
好奇怪，我返到屋企，都唔見阿儀打俾我，咁咪諗住online睇下見唔見佢囉，
點知都唔見，咪係論壇繼續睇下人吹下水囉，唔經唔覺，已經睇到6點鐘，
但都冇阿儀既來電同online，但話口未完……
我收到阿儀既來電……
佢……喊晒口咁打俾我……


我：阿儀，發生咩事呀？！

儀：我……我冇面見人喇……嗚


佢真係喊得好勁，我從來都未聽過佢喊，仲要喊得咁利害……


我：到底發生咩事呀？話俾我知啦……

儀：我唔知點講出口呀……嗚嗚嗚嗚……！

我：妳冷靜d先啦…慢慢講，我會慢慢聽妳講 (我真係唔知點安慰佢好)

儀：我剩係知…我而家好想死咋！嗚嗚嗚嗚……！

我：妳唔好呀！到底發生咩事


我未試過有咁大勇氣見net fd，但我見到佢真係好有問題，講到要死，
佢真係好激動，我又唔知點幫佢好，佢喊既聲…仲大聲過佢講野，
唔會係講笑。


儀：唔洗呀！我冇面見所有人！嗚嗚嗚嗚……！

我：妳講左俾我聽咩事先啦，妳個度好靜呀，妳係邊呀？

儀：你教到我點做咩！嗚嗚嗚嗚……！

我：我唔確定100%可以幫到妳，但我一定會同妳一齊諗辦法！

儀：我俾人強姦呀！！！點諗呀！！！嗚嗚嗚嗚！！！！！！！


下！！！？？？點解會咁架？！點解儀冇拿拿會俾人………
唔通係佢冇打俾我個陣？？？！！！點解個劇情會發展成咁架！！


《下集繼續第五天『下篇』》

======================================