首先，講明先，呢個係我第一次寫既小說，你地可以話覺得無聊、白痴…悶，我唔介意，因為po得出黎就預左俾人批評，但希望可以俾d意見，多謝。










『相識的二十天』

我叫M仔，係一名中5學生，讀書唔叻，成日掛住上網，但識到佢，就改變左我…

【第一天】
由於我成日掛住上網，搞到好夜先訓，今日上堂都係訓覺多，，，

一個放學既鐘聲，我就精神晒，因為又要繼續我既工作，就係上網，

一返到屋企，開著電腦，上論壇睇下d人吹下水咁，

睇到咁上下，一聲『叮當～』，突然係論壇收到個短信，

有個叫"阿儀"既女會員想話識我，

哈！第一次係論壇有女會員話想識我，諗都冇諗過會有咁既事發生，


阿儀：hi~ M仔，你好呀～我地可唔可以做過朋友呀？

我：hi~好丫～不過未試過係論壇會有人俾我信息，有都係咩鬼系統信息= =，而家仲係話做朋友，真係有d驚訝。

『叮當～』

阿儀：哈哈哈！咁咪好囉，我係第一個，真係好運。

我：哈哈- -" 係囉係囉，妳有冇ICQ呀？係論壇傾有d麻煩。

『叮當～』

阿儀：有呀~~319874xxx，你add我啦。


當我收到佢既號碼，我就第一時間add佢，反正又睇完人吹水，又第一次咁俾人話想識我


阿儀：哇！！好快喎~

我：當然啦，我係電腦高手，，，，，講笑姐- -"

阿儀：快同電腦高手無關架，白痴^^

我：呆……第一日識妳，妳就話我白痴………

阿儀：哈哈哈~唔好意思丫！

我：算啦，係呢，點解妳想識我既？

阿儀：我都唔知呀，想add就add

我：o下………咁都得- -a，咁妳係咪成日add人架？

阿儀：唔係喎。


佢答唔係？？！！下…咁點解咁呢…好奇怪，唔通佢岩岩失戀又覺得突然有咩唔開心想搵個人傾？


我：阿儀，妳有冇拍拖架？

阿儀：做咩咁問呢？你想溝我呀？


哇哇！乜而家d網絡女仔咁講野既- - 好似係妳add我架喎…應該係我覺得妳想溝我先真XDXDXD


我：冇呀…以為妳失戀又或者唔開心，所以亂咁搵人傾咋…

阿儀：我冇拍拖架，邊有戀失呀，一次都未拍過拖，都唔知失戀既感覺係點…


冇拍過拖- -" 當我睇佢info個陣，佢都係17歲，17歲都未拍過拖，，，唔通係樣既問題？？哈哈哈
問下咪知囉- -


我：點解冇拍既，冇人追妳咩？

阿儀：有呀，不過唔岩feel所以咪唔拍囉


突然！阿儀off左，雖然我唔知咩事，但傾傾下突然off左，真係好冇禮貌架，如果係因為斷線就唔怪妳啦- -"
所以我決定等多陣，雖然而家已經好夜…但等我鬧完佢就off返次，當無數啦~~

過左15分鐘，，，都未見阿儀既出現，正想我訓覺既時候………
阿儀上左線……我正常打字鬧佢個陣，佢雖然打先過我…

阿儀：對唔住呀，頭先突然off左
阿儀：我媽咪頭先係間房出黎，我就關左電腦
阿儀：如果俾佢見到我仲未訓，佢一定會鬧屎我
阿儀：而家我都用得電腦架喇，我俾我手提電話你，95xxxxxx，你想繼續傾既就打俾我啦…


阿儀超快速咁打完呢堆字…就off，我呆左，我呆既原因唔係因為佢打得快，
而係，我同佢傾左唔係好耐，就俾左佢個電話號碼我，

而我關左電腦之後，腦海不停都出現佢個電話，因為佢個電話真係好好記，
但我第一次打電話俾女仔，原因係…我都係未拍過拖…所以冇女仔俾我打，
同埋，我間係男校，冇女仔既電話…所以我真係超驚，所以最後都冇打，
就去訓覺…………


《下集繼續第二天》



各位睇完留言俾d意見丫~~多謝，回覆是作者的最大動力！