原文完成於~2004/05/26 23:24:58

果一晚,個天落緊雨,不過唔係好大.
d風吹過我塊面,感覺有d"興興"地.
可能因為老豆內功深厚挂,佢好似我細個睇過ge一套卡通片入面ge主角咁(悟空),
將內力凝聚o係掌心,"ya"一聲,打落黎... ...
好在我塊面都有成本康熙詞典咁厚,隔左幾個鐘之後,d熱都散得七七八八啦~!
不過流幾公升牙血都係在所難免架la~!
果一晚,我走左出黎,搵左個叫阿明ge fd,陪我o係樂與路9號地鋪ge相聚一刻館度食豬紅.
點解食豬紅?補血囉~!
記得細個果陣阿媽每個月都有幾日餐餐食豬紅架la,佢話要補血wor~!
果陣時我諗極都諗唔明,阿爸打工搵血汗錢,搵得咁辛苦都唔見佢食咁多豬紅ge~!

之後我地見到架紅van,車牌係411029.4月1係我生日,而10月29係佢生日.
所以我地決定上車.即使架車係去天涯海角都好la~!
上車之後見到司機ge司機證係1314wor~唔知係唔係暗示我地一生一世都咁fd lei?

然後,成程車我都冇咩出到聲.冇野架,o係屋企唔係阿爸打我就係阿媽鬧我架la,使乜講ar?(模仿杜汶澤無間道的語氣~!)
次次都係咁,慣架la,唔使講咁多佢都明架la.佢阿媽幫佢改名叫阿明就係咁解囉~!
架車經過左好多地方,由樂與路出發經過齊仆街,穿過自由森林隧道,海闊天空大街,再經過skyrider road,最後我地o係交叉道落車.
因為我地o係車上"目及"到有個掃地阿嬸個樣好似我地小學ge社工.
點知聽到有人嗌打劫wor,正…(有得發洩~!)
算佢好彩la,難得當時心情唔靚,當益下佢見識下我地雙龍雙拳雙腿雙生兒ge厲害la.我地一野捉住果個打緊劫o既大壞蛋,佢對眼真係蛋蛋地形狀,有d似超人~!不過無理架,超人做左罪惡o既化身???
阿明話: “打劫,快d將身上所有價值超過5蚊o既野交晒出黎.”
隻壞蛋話: “下??好地地做咩打劫我阿???”
明話: “鬼叫你打劫唔預埋我地份咩???”
壞蛋又話: “我打劫果d係價值一蚊至4個9架炸~5蚊以上果d歸你地啦一係,大家都係搵餐食o者~!”
我邊個粗口邊話: “一個幾毫你都唔放過?仲衰添~!賤格~!無得傾~!”
壞蛋想反抗…可惜我地太強啦~!
如果我冇記錯,最後該位人兄係斷左4只手指公7只無名指,5只腳指尾8只腳中指.
事後提番,阿明話:''冇理由架,佢d手指腳趾加加埋埋有三打咁多只wor,咩人黎架?"
唔通我地飲豬紅湯飲多左?好邪阿,都係唔好提伊個住la.

當我地扶起個阿嬸果陣,發覺原來佢係我地小學ge訓導主任wor.原來佢秘撈做清道夫~!阿明小三果年已經睇得出佢唔係好人黎架la~!
阿明話好後悔救佢,因為佢沒收左阿明一隻四仔vcd(正版),同埋美少女戰士結局篇漫畫珍藏版.
我同訓導主任講:"拿,係未lei係未lei,以前成日叫我地唔好打交,如果我地果陣時咁聽話.個個都做書蟲ar,今晚我地又點會有能力救到你lei?"
miss 望下訓左o係地下ge大漢話:"多謝兩位大俠相助,大恩大德沒齒難忘,請受小妹一拜!"
我地當然睬佢都傻即走la,佢一向都咁狗,
點知佢會唔會為左唔比人知佢ge懦弱,而屈番我地當街打交ar.
(不過聽講果晚之後,miss 番到學校搞左好多武術興趣班,培養同學ge武打精神.)

我地邊行邊笑,簡直係"笑聲直上干雲霄".
阿明問:"點阿?心情好番d未阿???"
我答:"好番好多la."
然後我地見到前面昏暗o既燈柱下,有兩位英明神武o既警員企左嚮…
當我地經過佢地身邊o既時候……
未等到兩隻受保護o既海龜講完要講o既對白…
我地o既身份證已經遞到佢地面前la……

其中一個英明神武o既警員問左句唔係咁英明o既問題: “你地係……”

我地不約而同地答: “我地係朋友~!”