每個人都有佢地既愛情故事,
冇人知故事點樣開始點樣終止,
緣份要黎就黎,無分係邊個時候,
話走就走,緣份已經到左盡頭.

呢樣野,唔係人人睇得咁通透,
經常都會有好多盲目既時侯,
有人可以為愛死心塌地付出一生,
係咪值得,就見人見智你自己去諗.

倩同愛,要做出黎並唔容易,
口口聲聲話愛妳又領略唔到當中意思,
情為何物,連詩人讀咁多書都唔知,
未曾體驗過箇中滋味點會知.

係冥冥中注定抑或係上天既安排,
呢個世界咁大,都可以走埋一齊,
總覺得,生同死並唔係最遠既距離,
而係係妳面前,妳又唔知道我愛妳....

初初一開始,最鍾意日見夜見,
發夢都會見面情話綿綿電話講唔完,
發誓希望兩人熱戀直至永遠,
冇諗過愛情變感情之後既局面.

只係幾年既感倩已經冇火花出現,
再勉強係埋一齊,只會令人討厭,
想講分手開唔到口,咪再幽悠寡斷,
搵個藉口解決左佢一刀兩斷.

暗戀相戀熱戀失戀感情好混亂,
太多誘惑宜家既人好易移情別戀,
婚愛情,一夜倩,佢地玩弄感情,
三分鐘熱度之後,忘記晒所有事情.

其實只要對人唔係有太多既要求,
愛一個人根本唔需要有太多理由,
只要真心真意對待,已經好足夠,
姑勿論曾經擁有抑或天長地久......