我係第一次在呢度留言...希望唔會悶到你地D住客....如有...見諒..
我係一個好普通男仔or男人啦,無乜不良好,淨係鍾意車,同埋鍾意一個女仔,呢個女仔都係無乜特別,我自己覺得佢靚架,坦白講我已經追佢差唔多兩年.我同佢點識??佢之前做餐廳樓面,時我同個朋友去食,留意到佢同佢同事,開始去識佢地,時我個朋友話想追佢,其實我當時好無奈,因為我一開始就係想追佢而去識佢地,個時我又唔想同個朋友反面,我選擇唔追,幫我個朋友去追佢,半個月後,我朋友同佢一齊,佢地出街都塭我一齊出,睇見佢地開心,我都開心.不過佢地差唔多一齊一年,男方要分手,個女仔唔想分開於是同我傾,我見佢喊,我好心痛,所以我都盡力幫佢復合,但係都唔成功,因我個朋友就係D上完床就完D人,我好失望,個女仔就算之後為佢做好多野都冇用,佢同我傾,對住我喊,我好心痛,原來仲要有BB,我個所謂朋友知之後二話不說俾錢叫佢落佢,我即時大鬧我個所謂朋友,大家最後反面了.我無所謂,因為我要陪住個女仔,佢好唔開心.過左一段時間,佢可以放低了
其實當佢同男友分開之後,我都喑啞對佢講我的心意,但係我知道佢唔會隨便愛第二個,所以我選擇等佢,咁就開始我追佢接近兩年的故事...基本上一開始追佢的時候,我地好多時兩個出雙入對,街外人唔知就認定我地係情侶,我對佢太好,太就佢,可能佢怕我可以同佢一齊之後,我會唔就佢,所以到依家佢都唔肯同我一齊,其實佢係一個好大脾氣女仔,有時會同佢好似拍拖咁鬧大交,之後我唔佢,佢又打俾我喊哂話我做乜唔打俾佢,有時我真係唔知佢想點,有時玩得夜,佢又會話去我屋企訓,我訓地下佢話唔好,叫我陪佢訓(冇性關係),如是者過左一年幾,我都冇放棄,繼續追佢.因為我太愛佢..
到左今年情人節之後晚.我又玩到太夜,佢又上我度訓,但係今次佢突然擁抱住我,錫起上黎(都冇性關係)...我以為佢終於接受我..做我女朋友,不過並非如此,我百思不得其解,問佢又話唔知...真係唔知佢想點,到最近佢又黎訓,但今次發生了...但係佢之後都係當冇事,繼續我追佢方式同佢去街...有冇人可以救下我呢隻盲頭烏蠅....我可以點做