我地做女人既,搵男人唔會介意佢有幾錢,只會介意個男人有冇上進心,因為大部分女人都欣賞男人有志氣多過佢既錢財,而且,上進既男人都唔會窮得去邊,不斷努力咁向上爬,話唔定終有一日發達tim!
同一道理,男人搵女人都唔會單睇你幾靚女幾好身材,因為佢地都深知二,三十年後,個個女人都一樣,佢地反而會搵一個自愛既女人,自愛既人識得照顧自己,為自己打扮,唔容許自己身材走樣,所以呢個自愛既女人都唔會差得去邊,反而仲襟睇!愛自己既人通常都識得為自己打算,唔駛下下都要個男人為你操心,絕對可以減輕另一半既負擔,再叻d既女人,仲可以為個男人打算下將來甚至助佢一把,呢d就係我地平時所謂男人背後既女人喇~!
老套d講句,連自己都唔識得愛識自己,點去愛其他人呢?想兩個人相愛到老,第一步就係先要學習自愛喇~