2004年07月08日
好多人都以為香港女人好貪慕虛榮,
以為香港女仔擇男朋友以錢為先.
其實根本唔係咁.
香港女仔其實好多都唔介意男人窮,
但起碼要窮得有志氣.
如果佢係比唔起,
個女仔比埋錢都無問題.
最緊要係佢有上進心.
但係如果個男仔比得起,
又下下計住計住咩都孤孤寒寒,
講真呢D咁小家既男人係人都要唔落啦!
香港地女人搵錢普遍比男人多,
所以有時我地女人希望另一半搵錢多過自己,
並唔係我地貪錢,
而係我地明白男性既尊嚴,
無一個男人鍾意自己既女人比自己能幹呢個道理.
講真香港女多男少,
香港地女仔真係一D都唔難追,
但係點解仲有咁多自問(佢自己覺得咋)唔差既男仔無女朋友?
咁您就真係唔好再屈我地香港女仔惡死兼難搞,
我地惡係因為您錯漏百出,
我地對您高要求係因為我地相信自己眼光,
相信自己所愛既人可以做得更好.
(但您地D男人偏偏無自信!)
但係您地香港男仔呢~
又要怕事懦弱,但又死愛面子兼大男人.
如果您做到野,比您話事梗係好啦~
我地女人都唔想下下好似湊仔咁辛苦啦~
但係您地野又做唔到,
又唔聽人講,
做到D野一團糟就賴屎賴屁.
咁岩一次半次做得好,
就到處認屎認屁以為自己好掂~
好心啦~"滿招損,謙受益"呀!
您唔怕折墮我都怕啦!
咪話我唔教精您,
追女仔唔一定下下講錢,
最緊要有誠意.
您要關心佢但唔係要您煩住佢,
對女仔要有風度,
對自己要有自信.
唔好諗野咁悲觀.
外表起碼整整齊齊(唔需要您好靚仔),
基本上您都唔會追唔到女架喇.
雅希 只跟部份人分享這資訊。
於04年7月發佈
閃靈 (07年10月)
其他