大家有無諗過你0地所朝思暮想的「對象」，
點解咁令你魂牽夢縈？
佢靚？大把人靚過佢。
佢性格好？每個人梗有缺點。
佢合眼緣？難保將來你會搵到個更合眼緣0既人。

理性不嬲都話我知「呢個世界無話邊個無0左邊個唔得」。
但始終有ｄ人有ｄ事有ｄ過去令我難以釋懷，
納悶0左好耐，連自己都搵唔到答案。

最近有次同個 fd 傾開偈，
畀佢一句點醒0左，
答案係「經歷」！！
樣貌、性格都可能搵到另一個更合適的，
唯獨你同佢0既經歷，
係無人可以取代。