開始既時候，我問自己：好唔好開始呢？

第一次見到你既時候係registeration day。當時你同你細佬，朋友一齊，而我就同我個半唐番堂家姐一齊。兩個女仔就當然係睇下四周圍有無好男仔架啦!當時，我就留意到你!唔知你又有無留意到我呢？

當時，我無同你講野，但係我同我堂家姐走既時候就諗，究竟你係邊度黎既呢？不過一睇就知你係韓國人，你個樣實在太韓國喇!

我無諗過我去美國讀書，但係就同一個韓國人談戀愛，真係無野係世人估得到。

2日後，entry test我又遇到你! 今次，我堂家姐無陪我，自己一個，人生路不熟，真係有d不知所措。見你自己一個，又好似怕怕醜醜咁，我就立刻問你我要去0個棟building點去。

點知你帶完我去，仲陪我去parking lot搵返我架唔知拍左去邊既車。當時，真係好在得你，唔係我都唔知點算。後來，你話我知原來我registeration day跌左０個件外套比你執到，仲話好彩而家識左我，唔係唔知點話我知。我真係好想多謝我當時既大意，令我地走埋一齊！

之後，我就開始同你晚晚傾電話。雖然你ｄ英文真係好差，甚至有時我根本聽不懂，但係我都好享受每晚同你傾電話既時間。

有一日，你同我講話你中意我，但係０係學校見到你，我又唔覺得你似係中意我。我當時真係好忐忑不安，一係你就唔好話中意我，一係你就比多少少表示。好憫！所以我決定唔同你講野，唔聽你電話！

第二日，你朋友黎我課室搵我，話比我知你真係中意我，咁我就話我唔信。之後佢同我解釋韓國人係慢ｄ，然後我好嬲咁同佢講：好，我比七日時間佢，如果佢唔同我講清楚，我就唔會比任何機會！當晚，你打比我問我可唔可以做你女朋友。同時，你問左我一個好得意既問題－點解七日？。我笑。

Memorial day, nick既生日會，即係我同你真真正正拍拖既第一日，你突然同咁多人面前宣佈話我係你女朋友既時候，我真係好尷尬，但係同時間，我知道我係開心多於尷尬。多謝你既勇氣，令好多人羨慕我，多謝你既勇氣，令我0係學校既狂風浪蝶都一掃而空。後來我問你點解要咁做，你答- 因為我要令全世界既人都知道你係我女朋友，斷你後路之餘又可以保障自己。我真係服得你好交關!

就快兩年喇，聚少離多，縱使我不在你身邊，你依舊地愛著我，我真係覺得好內疚! 但係，個天比我遇到你，但係又要我離開你，我真係唔知點好!

趁我仲好清楚記得，我真係好想寫低，好想記住你給過我既一切。其實我真係好想0係你身邊，但係太難，難到我不能做到。好對不起!

你話以我既性格，住韓國一定死緊。所以同我結婚就一定定居美國。我好想話你知，我愛你，我就一定會為你而去適應環境，仲要係可以完全溶入0個種。但係，真係可以為左愛情而放棄家人嗎？我不可以。

雖然我不能擁有你，但係我得到過已經好滿足。你永遠都會留0係我心裡面一個好特別的位置，無人可以取替!