近排wewewetwet裡面出現左"糖"氏綜合症,所以近排出街我地都應該盡量唔好講個"糖"字,因為有兩位人兄對"糖"好敏感,佢地會即時彈起,跟住會做咩野我就唔知啦,或者會聞"糖"起舞啦,當中有開心有唔開心既,之前<>裡面果個男主角已經同左果個"在寒風中等待她"既女仔一齊啦.而另一位"糖"氏綜合症既"病人",老套咁講一句"同志仍需努力"啦,比多少少耐性啦,唔好諗咁多啦.

至於我,依然都無咩好講既啦,可能我真係無左愛情,定係我真係成熟左,無睇得咁重呢?之前都有一個機會出現過,不過我最後都係無去到馬,我明知佢唔會太適合我,思想亦都唔會太同步,所以留番比其他人啦,好似又得左囉,咁咪好囉!勉強無幸福ga,阿公,知嗎?仲有,阿銳,快D搵女朋友啦,咁我地就可以完成6pair半呢個創舉啦,你唔好同我爭果個一半啦,留番比我啦,我負擔得起既.近排亦都有女仔向我表白,不過,again,我連佢個樣係點既,我都唔知,咁我又點同佢一齊呢?雖然我要求唔高,但係我做人係合乎自然科學既,我唔玩神交既,更加唔會Cyber Sex,我寧願繼續連任NGFA會長囉,有咩所謂?不過,我只想嗌一句:天呀,你在玩弄我麼!!

我認我唔介意女朋友唔靚,身材唔好等等,不過我都有我自己既底線,我都有接受唔到既時候囉,底線,每個人都有既啦,你可以話無,但係你點都有條"最後防線"掛?

曾經有條女就係咁,佢死都唔出現,理由仲有九千幾個,話自己係model,係magazine剪出呢話係自己,係人都唔信啦,而且有D相好明顯咁睇得出果度都唔似係同一個人囉,講個名出呢啦,Devil Joey呀,小心唔好上當呀老友,所以我近排係info都加左一句"No photo no reply",都係保障自己之嗎,唔好話我以貌取人呀,做friend就唔會,女朋友就...無計啦,多d上呢睇我既文章,一定有Jetso既,唔係有coupon送,不過點都有野比你知既.

Jolin 隻新CD 27號出啦,但係唔知點解d唱片舖拎晒d promotional copy出呢賣,仲要賣到成九十幾蚊一隻,我本來想買埋,但係反正我又唔急要,不如等到27號先買,起碼會齊歌先啦,有海盜同海市蜃樓,但係我最想聽既,始終都係load左上info果隻我很怕黑,首歌好聽,填D詞又正,海市蜃樓既音響效果應該不俗,歌裡面演奏低音喇叭一出果下係discman聽都幾好,令到我好期待呢隻碟,值得推介.另外,Karena既新碟都download左啦,又番炒六樓後座同戀之風景,新歌又無咩邊隻特別好,所以唔值得買.SHE新碟有分奇幻版同旅程版既,不過果間HIM公司既錄音,真係令我太失望,所以我都係自製老"番"算啦.

關於音響方面,Audio Technica出左隻鈦金屬殼既earphone,係ATH-CM7Ti,高音上到45000Hz喎,旺角德發商場一間水貨店賣緊1280大元,就算係普通版都賣緊980大元,唔知有無人用緊呢?(遲D會有相睇)如果你仲拎住個B&O A8仲覺得自己好型既話,唔好意思,你已經out左啦,我已經成年無用啦.