喺我為成人大學上嘅一堂課，我做咗一件「唔可以原諒嘅事」。

我俾左一份家庭作業，作業嘅內容喺「喺下週之前去搵你愛嘅人，話俾佢哋聽你愛佢。

嗰ｄ人必須喺你從未同佢講過呢句說話嘅人。」呢個作業聽起嚟來並唔難，但你要明白，

呢群人之中大部份都超過三十五歲，佢哋成長喺被教導表露情感係唔啱嘅嗰個年代，

唔能夠表現情感或者哭泣（呢ｄ都係絕對禁止嘅！）。所以，對於某ｄ人黎講，呢一份真係一個令人震

驚嘅家庭作業。喺下一堂課程開始之前，我問佢哋，有冇人願意，

將佢哋同人哋講我愛佢嘅事同大家分享。我非常之希望有個女人首先做志願者， 但呢個晚上，卻有個

男人舉手，佢睇嚟深受感動而且有ｄ緊張、害怕。

佢拉開張凳企起身，之後開始講嘢：「steven，上個禮拜你俾我哋呢份家庭作業嘅時候，我真係好嬲你。

我唔覺得有ｄ人要我同佢講呢ｄ說話。仲有，你係ｄ咩人，竟敢教我去做呢ｄ私人嘅事？係但當我揸車

返屋企嘅時候，我嘅意識開始同我講──它話俾我聽，我確實知道我必須同邊個講『我愛你』。

自從五年前我阿爸同我翻咗面之後， 我哋就盡量避免遇見對方，除非喺聖誕節或者家庭聚會中非見面

不可。雖然係咁，我哋都喺盡量唔同對方傾計。 所以，上個禮拜二我返到屋企嘅時候，我就同自己講，

一定要同阿爸講“我愛佢”。

講嚟好奇怪，做咗呢個決定之後，我成個人都好似鬆晒咁。我一返到屆企，就衝咗入房同我太太講我要

做嘅事。

佢雖然瞓著咗，但係都俾我嘈醒。當我話俾佢聽呢件事嘅時候，佢都仲未清醒，佢忽然攬住我，自從我

哋結婚之後，今次係佢第一次見到我喊。之後我哋傾計、飲咖啡到半夜，個feel好正！

第二日，我一朝早就精神奕奕咁起床。由於我太興奮喇，我幾乎都冇瞓過。

我好早就返到office，兩個鐘頭內做嘅事比以前一日做嘅仲要多。

到咗九點鐘，我打電話俾阿爸，問佢我放工之後可唔可以返去。

佢聽電話嗰時，我只係話：『阿爸，今日我可唔可以返嚟呀？我有d嘢想同你講。』

我阿爸用惡嘅語氣話：『依家又係咩事呀？』

我同佢保證，不會用好耐嘅時間，最後佢都應成咗。

到咗五點半，我返到父母屋企，按鐘，祈禱阿爸會出嚟開門。

我驚喺阿媽嚟開門，我就會因此而退縮，索性叫佢幫我講就算喇。」

但好彩嘅係，嚟開門嘅係阿爸。我冇浪費一d時間，

我一踏入門口就講：『爸，我只喺嚟同你講，我愛你。』

突然，阿爸好似變咗第二個人。喺我面前，佢塊面變得柔和咗，皺紋消失咗，佢開始喊。

佢伸手攬住我話：『我都愛你呀，仔！而我竟然冇同你講！』

嗰一刻咁珍貴，令到我一d都唔想走開。我阿媽滿面淚水咁走過嚟，我彎低身錫咗佢一啖。

阿爸同我又攬咗一陣，之後我就離開咗。

咁耐以嚟，我好少感覺咁好0架。但呢d都唔係main point。

兩日後，從未同我講佢有心臟病嘅阿爸，忽然心臟病發，喺醫院結束咗佢嘅一生。

但係我並唔知道佢會咁0架。

所以，今日我要話俾全班同學知嘅係：

『你知道必須做嘅事，就唔好遲疑。如果，當初我遲疑住而冇同我阿爸講，

可能就一世都冇機會喇！將時間拎嚟做你應該做嘅事，現在就做！』

人就係咁矛盾.......成日都為咗面子～而放棄咁難得嘅機會．．．．

有時候機會總0係不知不覺間悄悄地溜走，所以對別人好就要趁早......

人就是咁～得唔到嘅嘢先至希罕...

如果有機會..就同你鍾意嘅人或者係你珍惜嘅每個人坦白一d吧！