1.有一次由灣仔撘小巴去銅鑼灣糖街咁諗住同個friend去"文輝"食野,我一直係度諗緊食咩好,但係當差不多到既時候,想叫"文輝有落丫,唔該",點知我好大聲咁叫左:"墨丸河丫,唔該!!!".全車人都忍唔住笑左出黎,個司機仲笑笑口話:"加唔加紫菜呀???"...嘩....瘀到震.

2.有個做幼稚園教師的朋友，新學期開始時，她叫全班同學帶手冊回家，叫家長貼相片在手冊上。當她收回所有手冊時，發現竟然有一位家長將自己的相片貼在手冊上。

3.我朋友有次趕住返學,速忙出門時隨手拎左個電話出街,上到巴士諗住拎出o黎飛線,點知發現原來拎左個電視遙控出o黎,嚇到佢收都收唔切!!

4 .一次放學搭巴士返屋企,當時企係度都好輕鬆下,但突然間架巴士掟o左個急彎,我當然失去重心,本能反應就係捉住d野o羅番個平衡,點知我一手就叉住o左一個3、40歲o既男人條頸度,最好笑就係個男人仲係度扮反白眼同透唔到氣呀!!

5.早前手提電話好流行有"語音撥號",你向住個電話叫:邊個邊個,咁個電話就自動撥去邊個邊個果度,方便好多咁話.有日放工搭地鐵,聽到係前面個西裝友向住部電話叫:"八婆!",過左一陣(應該係條線通左),佢就對住個電話,用無比客氣o既口吻話:"亞外母大人呀,我今晚趕唔到o黎食飯"....