呢篇文章我想講既一位朋友,我由初初識佢開始慢慢睇住佢一日一日 咁轉變,佢係一位支持Straight Edge文化既朋友,今日我要將佢既故事講比大家聽,更希望大家唔好只係睇到人地既過去,睇唔到而家既改變~!!!
佢今年16歲,0係佢中一至中四既時期,食煙,飲酒,吸毒,落D....都係 佢既生活,身邊識到既,最好既朋友,都係0個個圈子既人,0係學校,逃學, 粗口罵老師,打架......佢冇野未試過,屋企人更想將佢放去女童院~!!! 直到中四下學年,佢返左教會,性格,行為,思想等都開始慢慢改變,但 身邊既朋友都係0個班,0個排更認識到我,因為大家住得近,所以大家 都經常約出黎傾計,食飯,玩......0係呢段日子,佢戎左吸毒,雖然仍然有 飲酒同食煙,但比以前小左一倍有多,0係佢食煙時,我經常都擺出好唔滿意 既樣比佢睇,有時更會講關於Straight Edge既野佢聽,慢慢咁佢由唔0係我 面前食,變到戎埋煙,嚐試戎埋酒,我好欣賞佢,冇幾耐更支持Straight Edge 文化,我好開心,睇到一個朋友轉變佢既生活方式,但佢亦因為咁而開始感 受到好多壓力,因為佢思想,行為同以前有出入,佢再同以前既朋友小聯絡, 好多人亦冇睇到佢既改變,將以往既佢影射到今日既佢身上,更失去好多(好朋友),最重要既係,佢家人睇唔到,更管束得佢冇辦法同另一個圈子既人接觸,佢既朋友一個少一個,身邊更冇一個相信佢同體諒佢既人,更有想過重行返以前既路,我睇到我好唔開心,但我都需要去支持佢,我一個人既力量係唔夠,我需要更多既人去支持佢,了解佢既立場同背景,所以我選擇寫出呢篇文章放上網~!!!
如果睇緊呢篇文章,而又知我講緊邊位朋友既人,希望你試下去關心下佢,唔好再去用舊有既眼光睇人,咁同食古不化既老人家有乜分別~?我需要你地幫手,需要你地支持,唔好再自己0係度亂咁評擊人,好多野唔係你地自己想像野......~!!!!
最後我想送上一句說話比呢位朋友~:
~Get Up Now......繼續奮鬥~!

Write: Benny