1) 我今晚我陪我亞媽去葵青區某屋村探我個姨婆 (即係我亞媽個亞姨，77歲)，好耐
冇探佢，成四年都有，當做義工探獨居老人咁，陪佢傾o下偈啦。咁o岩電視做叫人登記
做選民o既廣告喎，我順路問o下我姨婆有冇登記做選民，佢話上個禮拜日民建聯搵人晌
街幫佢登記o左。 ( ??!!!! ) 咁我再問佢投票會投邊個，佢話佢都好鍾意區內民主
派後生果位先生，話佢在區內有做野；但今次民建聯幫o左佢做登記，佢話民建聯果個
人講「今次民建聯幫你登o左名，就要投民建聯，如果唔係政府查票查到個紀錄唔同就
會有麻煩 。」( !!!!!!!!!!!!!!!) 太賤格喇 !!! 我用o左好耐解釋俾佢知唔係咁，
但我姨婆對我所講始終半信半疑。結果佢話︰「哎呀咁麻煩，都係兩個都唔投喇
~.........」........

2) 講返我自己條村，有個民主派o既區議員候選人晌區內同我地 d 互委會一齊，向
房署爭取要換晒成座樓生銹o既鐵喉，同居民一齊同房署開o左多好次會，上總部都上o
左三四次，攪o左成一年零三個月，結果署於星期一房書面承諾居民會換過晒d鐵喉，居
民成功爭取。但民建聯有個候選人幾X好野，收到風房署會換喉，早一日在星期日就晌
樓下攪個「爭取換喉簽名運動」，星期一上午房署出信俾互委會同貼 lift 口告示板講
承諾會換喉，下午條粉腸竟然無恥到即刻貼張「民建聯成功爭取本村更換喉管」o既海
報，仲有佢早一日o個個簽名運動張相「作証」....................