四年前，有一個住屯門中一既男同學，佢一路都傻下傻下咁返學，直到下學期中有一個由青衣轉過黎既女同學，個男同學第一眼見到個女同學就有一種奇妙既感覺，個男同學係一個偶然既機會下得到個女同學個電話號碼，個男同學一返到屋企立即拎起個電話打俾個女同學，個男同學一開始時只係同個女同學傾下閒偈。直到有一日個男同學開始發覺自己真係鍾意個女同學，於是個男同學終於係一個星期五既晚上同個女同學表白，個女同學話要考慮，聽日答覆個男同學，咁個男同學就俾個女同學考慮，係果晚個男同學緊張到成晚都無訓。到左第二朝，個男同學好緊張咁打俾個女同學，個女同學叫個男同學問多次個問題「妳可唔可以做我女朋友呀？」個女同學停左一陣，就講：「好丫！」個男同學興奮到講唔到任何說話，可能因為呢個係個男同學既「初戀」……
　　但係快樂既時間過得真係好快，放暑假時，個男同學因為要返大陸既關係而兩個星期無打電話俾個女同學，但係個男同學一返到香港就第一時間打電話俾個女同學，但係個女同學一聽電話就有電話入線，所以個男同學就一直等，一直等……個男同學等左大約十五分鐘到，終於收左線，但係咁樣一收線就令到個女同學嬲左個男同學成年，而呢一年裡面個男同學一直都想同個女同學講野，但個女同學一直唔睬個男同學，個男同學一直怪自己點解果日要收線，咁樣一諗就諗左一年，呢一年個男同學只不過係中二，但係個男同學每日都好想有一日可以同返個女同學講野，但係個男同學每日都好失望……
　　到左中三，有一日個女同學終於肯同個男同學講野：「你有無見過ＸＸＸ呀？」，但係個男同學呆左，只係搖左一下頭，個男同學覺得果日係自從「收線」後最開心既一日，自此之後個女同學都無再嬲個同學，佢地有時都有傾有講，雖然個男同學都有同其他女仔拍拖，但係個男同學個心始終都係鍾意個女同學，直到四年後既今日個男同學都仲鍾意個女同學，但個女同學都仲係唔知，因為個男同學唔敢再同個女同學講一句「妳可唔可以做我女朋友呀？」，個男同學係唔想個女同學再嬲，因為咁樣一嬲，可能會嬲一世……