「生日快樂呀！」望住前面既大毛毛公仔～
我有Ｄ招架唔住．．．「呀．．．多謝你呀．．．唔．．．」
望到我平平淡淡既反應～你開始慌喇．．．
「做咩呀？你唔鍾意呀！？」哈哈！見你緊張兮兮既傻野．．．
我真係一句說話都答唔出～因為我感受到你對我既著緊～
其實我係好鍾意個公仔嫁～因為送既人係你．．．
就算係一隻嘔心鬼鬼既不知明物體～我都係咁愛．．．
因為我收到既唔止係份禮物．．．仲有你個份心意．．．
獨一無二嫁！「唔鍾意我就收返啦～」你滿係失望咁講～
「唔好呀！」我好大反應～我都唔知點解．．．
見係笑卡卡咁既樣～我知道我又俾你整蠱．．．
我當堂面都紅哂～我轉頭就走～但係你拉返我返你身邊，
話：「唔好走啦～你鍾意個公仔就得啦！倍多我一陣～」
唉．．．可憐既我又受唔住你既疏擺，留左係到～
講真呀．．．我一Ｄ都唔ｍｉｎｄ係你面前拋棄哂我所有女仔既尊嚴～
因為我唔想係你面前有半點虛偽，我只係想你見到真實既我．．．
都唔知靜靜咁係到坐左係到幾耐．．．我地一句野都冇講過．．．
只係係到望住愈來愈多人既街道～聽住「沙沙」既海浪聲～
但係我卻好享往黎種感覺．．．係一種講唔出既安全感～
「哈啾！」開始有Ｄ凍～「你凍呀？」你好溫柔咁問我～
「唔」我點一點頭～你除左你件外套，褸係我身上～
件外套仲係暖既．．．仲有你個陣淡淡既香味．．．好暖．．．
「喂！喂！」唔知係邊到傳黎既聲音．．．叫醒左我．．．
「你訓醒未呀！？你訓左一堂啦～」「呀．．．Ｓｏｒｒｙ～」
唉．．．原來又係發夢．．．都唔知係第幾次啦～一年啦．．．
一年都過左啦～我都係冇忘記過佢．．．冇忘記過個一日．．．
我係夢裏面成日都夢見佢～我真係好愛好愛佢．．．不過佢呢．．．？
「喂！有人搵你呀！」「下．．．？好！等等我！」有人搵我～？！
邊個呢～！？大概又係Ｄ人搵我幫手做功課吧！真係唔係好想去見佢！
我走出班課．．．見到既竟然係一個熟悉既背影～一個我一世都唔會忘記既佢．．．
一年啦～一年前佢拋底我唔理．．．一年後既今日．．．佢竟然再係我眼前出現．．． 「別來無恙嗎．．．？」你既聲音同講野態度都冇變到．．．
都係咁溫柔～「Ｏ．Ｋ啦～你呢～！？」我對佢既態度刻意冷淡～
我唔想係佢面前表露出任何我掛念佢既情緒．．．「唔．．．
還可啦～你ｌｕｎｃｈ得閒嘛～？！」你望一望我～「呀．．．
應該得閒～」我有Ｄ答唔出口．．．「不如一齊食呀～」氣氛開始有Ｄ怪異．．．
佢無啦啦咁約我．．．我應唔應該答應佢～？！「呀．．．好呀～」
「咁我ｌｕｎｃｈ個陣黎接你啦～」你出奇地興奮～我以前都未見過你咁既樣～
唉．．．一陣唔知會點呢～！？我要有Ｄ骨氣呀！我唔可以俾佢知道我一直都冇忘記過佢～
一秒．．．兩秒．．．一分鐘．．．一小時．．．時間過得好慢～
我完全唔可以集中精神聽書～我冇一秒鐘唔係係到諗佢～Ｄ問題都係我腦海中出現．．．
佢今次返黎做咩～？！突然既消失不見．．．又突然係我面前出現～
佢想點呀～！？一年前佢唔要我～一年後既今日佢又再次黎搵我．．．
咁算係咩呀～！？當我係咩呀～？！代替品～？！當佢再次搵到目標．．．
佢會再一次咁拋底我唔理嗎～？！開始有Ｄ無法想像落去．．．
「鈴．．．」放ｌｕｎｃｈ既鐘響起啦～心情好緊張．．．第一次覺得條樓梯咁長～
行到樓下～我再次見到佢既身影～我係到疑惑我應唔應該走過去．．．
我凝視左佢一陣．．．都係走吧啦～過去既唔應該去留住～放棄佢啦～
唔好再見佢．．．都係走啦～「喂！」你叫我～我停下腳步．．．有Ｄ不知所措～
我只好硬著頭皮拎轉頭．．．「Ｈｉ～等左好耐呀～！？哈哈哈．．．」
好假既反應～好瘀～＞／／／＜「做咩你調頭走～！？」「下．．．？
冇呀～冇～冇～我以為我漏左野～想去拎～”」「咁．．．」「算啦～有得佢～」
「咁我地行啦～」「好～」唉．．．我又再次失敗啦～我都係跟左佢上車～
沿途我地一路都冇講過野～佢同我講既野我一句都聽唔入耳～
只係係咁意答下佢～「去邊到食呀？」「隨你～」「去食日本菜啦～」
「唔去～太貴了～」「你以前好鍾意食．．．」「你都識話以前～」
「你變左～」「係你唔了解我吧了～」「．．．」之後就再冇講過任何野～
我都唔知點解我可以對你講出黎Ｄ說話～太既我係控制唔到黎一年既孤獨～
自從同你分左手之後～我都冇咩邊日開心過～行到每一達同你行過既地方～
我都係諗起你～好開心～不過你都已經唔係我身邊啦．．．風景再靚都冇用～
我都唔知坐左係到幾耐～你拍一拍我．．．「到啦～」「呀～哦～」
我地落左車～走左入去間茶餐廳～坐左係一二邊～叫左杯檸蜜～
第一次感覺到杯檸蜜係一Ｄ都唔好飲～可能心情唔好啦～
「你知唔知呀‘！？黎一年黎我都好掛住你～」你開口講野～仲要係．．．
講Ｄ我最唔想聽到既野～「係咩．．．？」我既反應好冷淡～
「係一Ｄ都唔掛住我咩～？！」一把刀刺穿左我個心．．．我強忍淚水～
苦笑．．．「哈．．．哈．．．好好笑呀～掛住你～？！你值唔值呀～！？
唔好唔記得～係你唔要我～一個唔愛我既人～值得我去掛咩！？」口是心非～
你一句話都冇講～我忍唔住．．．企左起身～話．．．「我走啦～８！」
你都企左起身～「我車你．．．」我睇得出你好辛苦先講得出黎幾個字～
我好勇～失戀後既人都係咁掛．．．特別既堅強～眼淚．．．
唔可以輕易係人地面前流．．．更唔應該係Ｄ唔值得人去愛既人面前流！
返到學校．．．我落左車．．．你又叫住我．．．「仲有機會見嘛！？」
「也許吧～」我頭也不回地走～前面的東西變得模糊．．．我好清楚．．．
我哭了．．．我忍唔住～我好想再次既見到佢～我好想攬住佢喊．．．
仲有機會嘛～？！ 就咁又過左一個月．．．黎一個月黎你音訊全無～
你冇搵過我～我每一日都係到等你電話～冇錯．．．
每一日都只有等．．．就算電話已經冇哂電～
我都唔敢去熄～或者可以話係已經唔識點去熄啦～
我個日係唔係嚇親你呀～？！我開始有Ｄ後悔．．．
我唔應該對你講Ｄ咁既野～我好想再見到你呀～
我可唔可以呀．．．？又再過多一個月啦．．．
情況一Ｄ都冇變到～我對你既期望都開始減少．．．
你已經唔再值得我去等你啦．．．我要放棄．．．
唔再想你．．．唔再愛你．．．我可以嘛．．．？
日子一日一日咁過～日日如是．．．冇咩新意～
但係我既心都係冇變過．．．你知唔知呀．．．？
你會知嘛．．．？我真係一Ｄ都唔值得你去愛惜咩～？！
有冇人可以答我～都唔知過左幾多日啦～今日係情人節前夕～
我諗我都係要自己一個人過嫁啦～算啦～反正都唔係第一年～
電話響起．．．來電．．．係你．．．我開始有Ｄ驚～
我想收線～但係我都係聽左．．．「喂．．．？」「Ｈｉ～
係我呀．．．」「做咩呀～？！」「冇．．．你聽日得唔得閒？」
「得呀～」「可以出黎見個面嘛．．．？」「好～」「下午三點～
尖東海旁啦～」「唔．．．」「不見不散～」掛左線．．．
無奈感．．．後悔．．．我唔係話左唔再見你嫁咩！？點解我又．．．
我好失敗呀～聽日可以點呀～！？我可以唔去嘛．．．？ 晏晝三點鐘．．．尖東海旁～今日有Ｄ凍．．．
氣氛有Ｄ怪～心情好不安．．．總係覺得以後都見佢唔到～
「等左好耐呀？」你有Ｄ唔係好好意思咁講～「唔係呀～」
好耐咩．．．？唔算啦～我等左你一年我都係咁等．．．
個幾分鐘算係咩呀！？「送俾你嫁！」係百合花．．．
「好香呀～多謝．．．」估唔到你仲記得我鍾意黎隻花～
「黎一年過得好唔好～！？」你既表情有Ｄ可憐我既ｆｅｅｌ．．．
「尚可啦～」你唔好唔記得～就算我黎一年過得唔好．．．
都係你一手造成～你咁既樣算係咩～？！可憐我呀．．．？
「黎一年黎我都好掛住你．．．我冇一刻忘記過你．．．
黎一年我過得好苦．．．我每一日都只可以遠遠咁望住你～」
哈哈哈！掛住我！？你唔係被你新女友甩左先返黎搵我咩？
我仲好記得你個日同你新女友一齊有幾痴纏！可恨既係．．．
我始終都係一日都冇忘記過你．．．我始終都係咁愛你．．．
「我都係．．．我好掛住你．．．」我既聲音有Ｄ震．．．
「多謝你．．．以後有咩事都好～你都要記住．．．
每當你見到天上有一粒星～就代表我係你身邊．．．」
你望住個海．．．一陣風吹過．．．你好似就黎要消失咁～
我捉住你既手臂～攬住唔放．．．「以後都唔好離開我好唔好？」
我聲音變得沙啞．．．你拍拍我既頭．．．「有Ｄ野係勉強唔到～
我要走啦～夜啦～」我同你隻手分開左．．．我見到既．．．
只有你迷迷糊糊既身影～淚水沾濕左我雙眼．．．
我始終都係挽留唔到你．．．再一次既你係我面前消失．．．
又過左幾日．．．你冇搵過我～我決定要去搵你～
「叮噹！」「黎啦～」係伯母把聲～門打開左．．．
「嗨！伯母好耐冇見啦～」「ｅ！？係你呀？好耐冇見啦～
入黎坐呀！」入到屋．．．我都係見唔到你既縱影～
「好耐冇見你啦～我個傻仔都好掛住你．．．」
「咁佢係邊呀．．．？」「佢．．．去左一個好遠遠既地方～」
「咁快？佢幾時起飛嫁？」「佢．．．去左一年啦～」
我只係見伯母拎住支香．．．走到去一個神主櫃面前～
上面放住既．．．竟然係你幅相～我有Ｄ噩然．．．
「個傻仔一日都冇忘記過你呀～係佢死之前．．．佢都係．．．
想見多你一面．．．」我只係呆呆咁企住．．．後悔．．．
我咁樣對佢～「黎本係佢本日記～每日都有記底佢同你一齊
既野～」我接過左．．．打開黎睇．．．”１２月２６日”
係佢離開我既前一日．．．我係個日見到佢同第二個女仔．．．
”今日．．．我做左一個好大既決定～我要同我最愛既人分手～
我叫左一個佢未見過既人扮我新女友～佢見到之後喊住咁走～
我係個一刻好心痛．．．我好想走去拉佢返黎．．．
用力咁攬住佢～等佢黎一世都唔好離開我．．．不過我力不從心．．．
我同佢分手．．．都係迫於無奈．．．我仲好記得．．．
醫生同我講我有左未期癌症個陣．．．我係好震撼～
我第一個諗起既都只係佢～我放唔低佢～我唔捨得佢．．．
我話過我會照顧佢一世．．．但係我做唔到．．．我好想佢會明白～
唔理係咩時候或者發生咩事．．．我都會係佢身邊倍住佢～
因為我真係真係好愛你～”我既手開始震．．．淚水凝聚係眼眶～
我用盡全身氣力揭向第二頁．．．”１２月２９日．．．晴
今日係我做手術既日子～醫生話成功率只有４０％．．．．
不過我仍然好勇敢去面對～因為當我手術成功之後～
我一定要再一次同佢一齊～我要同佢結婚．．．一生一世都唔離開佢～
同佢一齊好開心咁生活落去～距離手術時間只有２個鐘．．．
你要等我返黎．．．你要呀．．．”我已經睇唔落去．．．
我喊．．．係因為我冇左你．．．我喊．．．係因為我唔體諒你～
我後悔．．．我將你本日記拋入火堆．．．燒燬一切．．．
回應．．．感情．．．快樂．．．傷痛～只係剩下一個破碎既心．．．
倍你一齊埋葬．．．永永遠遠咁長睡落去．．．