輝：「一直以黎，係我既生命入面，都冇乜好大既難題。除左細個既時候，屋企窮Ｄ之外，其他既際遇都算得上得心應手。特別係我讀到醫科，做到醫生，又識到阿風既時候；令到我既事業同埋愛情都好似好完美咁。講真呃，我真係覺得上天對我不薄嫁！但係正當我想為生命喝采既時候，命運就開始改寫勒......」

風：「識左阿輝幾年啦，我地一直都相處得好好。因為我地有共同既興趣同埋共既目標。甚至乎我地已經定左大家，就好似彼此生命要搵既人。我好鍾意阿輝，因為佢令到我覺得有存在既義意。平時好在阿輝同我講：『阿風呀，我好掛住妳呀！』正當我回味緊呢Ｄ情感既時候，阿輝竟然同我講：『風，好...好對唔住呀！』」

妹：「令到阿輝同阿風講對唔住既人係我，就係我呢個無心但係界入左既第三者，我好痛苦呀......真係好痛苦。我由細到大都係生活係一片死沉沉裡面，我對於快樂了解得好少呀，我一直都係咁樣嫁，自己唔開心唔緊要呀，但係千祈唔好令人地唔開心，但係點知，我偏偏就飾演左呢個角色。但係我真係好鍾意阿輝嫁，因為自從佢出現左我生命入面之後，我感受到一份無法解釋既溫暖同埋安全感。但係咁又點呃，上天俾左一份溫暖我，佢似乎羅番咯......」

輝：「突然間，要我面對情感既抉擇，我真係好渺茫。對於阿風，我有份好深厚既感情，但係對於阿妹，我又有一種風雨同路既共鳴。唉！點解？兩段都值得我真惜既感情，都同一時間出現......」

風：「可能，呢Ｄ就係叫做錯愛啦！我好愛阿輝，我唔希望佢有咩野壓力。如果佢既離開，係搵到更多幸褔既話，我地點會抯止佢。」

輝：「風，對唔住呀！」

妹：「其實諗深一層，我唔應該令阿輝咁進退兩難嫁。況且，我都唔知自可以支撐係呢個世界入面幾耐。我擔心呀，我每日只能令到呢段感情天長地久，我係咪應該踏出至岩呢？」

輝：「陷入三角既感情，我知道係好難兩全奇美嫁，我除左感到好無奈之外，我都唔知講Ｄ咩野好。其實天大地大，究竟有邊個知道我既內心既掙扎。今日我一個人孤身上路，但係係夜闌人靜既時候, 係我思海裏頭，都會浮現出佢地既聲音，同佢地既笑容。」