其實我第一眼見到你，我就已經鐘意左你，我地識左幾日你就媾我喇，開始我唔係好相信，不過唔知點解我會同你一齊，我一開始既時候係諗住玩玩下，唔想放咁多感情落去，因為我驚你會好似我以前D仔咁對我，但係唔知點解，我同你行唔夠一個月，就已經控制唔到我對你既愛，我對你既愛一日比一日咁增加，我知道就算我講俾你聽，你會唔信，不過連我自己都唔信囉!我問過自己我鐘意你D咩，但係我又諗唔到，你係第一個令到我咁死心塌地、咁聽條仔話既人，我真係好聽你話，就算我想出街，我都問過你得唔得先敢出，你話唔得我就會留系屋企，一步都唔行出門口、我第一次織頸巾俾條仔、我第一次會驚同條仔嗌交、我第一次咁就條仔、我第一次會話因為條仔返工辛苦，所以我唔出去玩、第一次晚晚唔訓等條仔電話.....重有好多呀......重有唔知點解會經常發夢都會見到你既，同你一齊有好多野都唔同晒同埋變晒，有好多人都係咁講呀...我自己都係咁話。雖然我知道你係唔會睇到我呢段野，不過我想更加多人知道我對你既愛係有幾深....